I denne vakre bildeboka møter vi ei jente og far hennar i ei tid prega av sorg. Dei to lever ut sorga på ulikt vis. Faren trekker seg inn i seg sjølv, medan jenta drøymer om broren ho har mista.

Då jenta får faren med på drøymeleiken, skjer det noko stort og uventa.

"Bror min" viser kor ulikt barn og vaksne kan tenke om sorg - og korleis dei ulike perspektiva saman kan gi både innsikt og krefter til å leve vidare, saman.

Boka kan eigne seg for den som har mist nokon, men også som grunnlag for samtale med barn om kva døden er.

"Bror min" er ei forteljing om sorg og håp og om dei heilande kreftene som vi alle ber på.