Kami er med i ei aktivistgruppe som vil avsløre kva denne næringa driv med av dyrefientleg aktivitet. Dei bryt seg inn på pelsdyrfarmar nattestid for å ta bilete av skadde og lemlesta dyr, for så å sende det til avisa. På denne måten vil dei få slutt på dette dei meiner er reint dyreplageri. Etter ein slik aksjon får Kami sms-meldingar frå ein mann som følger med på kva ho foretar seg. Det ser ut til at han får med seg alt Kami gjer, og situasjonen vert etterkvart meir trugande enn ho set pris på. Samstundes får ei anna jente sms-meldingar der det mellom anna står ”Du har også blod på hendene”. Dette er dottera til ein som driv med pelsdyroppdrett og denne jenta slit psykisk som følge av det faren hennar driv med.

Boka er innom mange tema. Kanskje hadde det halde med eit par. Men boka er spennande nok, den. Og den har eit enkelt og godt språk for dei som synes det er vanskeleg å lese nynorsk.

Passar frå 13 år.