Johanna på 15, veslesøster på 7 og mor er på ferie. Dei har svært dårleg råd, men likevel tar mora dei ut av skulen lenge før ferien startar, for å dra til Hellas. Her er det noko som ikkje stemmer. Mor drikk, mykje og ofte.

Vi skjønar at Johanna er den som må ta ansvar i familien, eit ansvar ingen på hennar alder bør ha. Ho har ansvar for at Veslesyster får i seg mat, kjem seg i seng om kvelden, kjem seg på skulen og på SFO.

Ho må også ta ansvar for mora, og ho må sørge for at ingen oppdagar korleis dei har det heime. «Eg må halde ut», seier Johanna. «Alt skal bli betre».

Boka skildrar ein liten familie, som er sterkt knytte til kvarandre. Men så ein dag grip barnevernet inn og alt vert annleis. Men er det til det betre?

Forfattaren skriv truverdig om omsorgssvikt og om barn som må ta vare på seg sjølve.