Romanen om den mest profilerte familien på Island startar med far til
Björk, som er elektrikarlærling og seinare fagforeiningsmann.
Forteljinga strekkjer seg fram til Björks ungdomstid og hennar
internasjonale gjennombrot. Karlsvik skildrar personane og samspelet
deira med naturen og kvarandre. Vi får oppleve naturen, kulturen og
samfunnet på Island på andre halvdel av 1900-talet. Dei små, daglegdagse
hendingane i romanen blir fletta inn i dei store internasjonale, og
teiknar til saman eit fascinerande portrett av eit geografisk isolert,
men internasjonalt viktig land. Dette er ein familieroman utanom det
vanlege, med Björks veg frå barndom til stordom i sentrum.