Handlinga i Eit vintereventyr går føre seg i ein arbeidsleir. I eit brutalt og rått kvardagsliv lengtar hovudpersonen etter å bli elska. Håpet om at kjærleiken finst der det finst menneske, same kor forferdelege ting som skjer, tek all plass i tankane hans. Det er ei historie om galskap og avgrunn, om sterk angst, uro og frykt, men også om kjærleik og lengsel, og at uansett kven ein er, så må ein vere i det ein er, både kropp og sinn, for å få lov til å vere ei tid på jorda.

Eit vintereventyr er ei forteljing om korleis både ytre og indre handlingar kan løfte eit menneske opp og styrkje det, eller knuse det.