Då Anders skjønar at foreldra hans har tenkt å skilje seg, forlèt han dei og systrene sine og går ut i skogen. Der slår han seg til i huset til Dobbel-Aksel, som hengde seg i ei bjørk for mange år sidan.
Her vil Anders gløyme sitt tidlegare liv og leve på villmarksvis. Men han får ikkje vere lenge åleine, den mystiske Hilmar frå Skogane dukkar opp. Og snart finn den eine etter den andre fram til skjulestaden hans. Livet utanfor trengjer seg på. Kva skal han no gjere med kjærleiken? Kva gjer han når Hilmar vil ha han med på eit farleg oppdrag? Anders skjønar fort at livet i villmarka er annleis, og mykje farlegare enn han hadde trudd.